Vyakula 6 ambavyo wanaume hawatakiwi kula

Vyakula 6 ambavyo wanaume hawatakiwi kula
Vyakula 6 ambavyo wanaume hawatakiwi kula

VYAKULA 6 AMBAVYO WANAUME HAWATAKIWI KULA

mbegu-za-maboga

Katika post hii utajifunza vyakula mbalimbali ambavyo wanaume hawatakiwi kula ili kubaki na afya bora wakati wote. Kuna vingine unaweza kuwa unavitumia kila siku bila mwenyewe kujuwa.

1. Punguza kula vyakula feki kuzuia kupoteza nywele

Moja ya matatizo makubwa upande wa urembo kwa wanaume ni kupoteza nywele (upala). Lakini kama unatafuta kitu cha kukilaumu dhidi ya tatizo lako la kunyonyoka nywele basi ni hiyo sahani yako ya chipsi unayokula kila siku.  Vyakula feki (junk foods) ni hivyo vinapatikana kwenye fast foods na takeaway centers nyingi hasa mijini kadharika vyakula vile vyote vya kwenye maboksi.

Vyakula hivi feki vina kiasi kingi mno cha lehemu (cholesterol) na lehemu hii hupelekea kile huitwa kwa kitaalamu kama ‘pregnenolone’ na kupelekea kiasi kikubwa cha ‘dihydrotestosterone’ (DHT) na hatimaye kupotea kwa nywele kichwani a.k.a upara.

Kunyonyoka kwa nywele kunaweza kuwa ni jambo la kurithi (genetics) lakini vile vile aina ya chakula unachokula kinaweza kuwa kinahusika moja kwa moja.

2. Punguza kunywa pombe au acha kabisa kuzuia kuota matiti

Wanaume wengi wanaokunywa bia kupita kiasi huwa na uwezekano mkubwa wa kupatwa na tatizo la kuota matiti kama wamama tatizo lijulikanalo kwa kitaalamu kama ‘gynecomastia’.

Kwenye bia au pombe mara nyingi hakuna lishe ya moja kwa moja na hivyo hukufanya ujisikie njaa au hata kuongzeka kwa njaa zaidi na ndiyo sababu unaambiwa kama huna uhakika utakula wapi ni bora usinywe pombe ili kulinda afya yako.

Kwenye bia kuna kitu kama homoni ya oestrogen ya kupandikizwa na hivyo unywaji pombe kupita kiasi kuna uhusiano wa moja kwa moja na matokeo ya wanaume kuwa na matiti kama wanawake.

3. Acha kutumia mafuta ya mboga mboga kuepuka saratani ya tezi dume

Mafuta yatokanayo na mboga mboga au mimea yamekuwa yakipigiwa debe kwa miaka mingi na watu wanaojihusisha na lishe na wale wenye hasira sana na mafuta yatokanayo na wanyama. Hata hivyo leo nakujulisha mafuta hayo si salama sana kutumika na mwanaume kila siku. Hili limekuja hasa kutokana na kuongezeka kwa magonjwa ya moyo na lehemu na watu wakahimizwa kutumia mafuta ya namna hiyo.

Lakini mafuta haya ya mboga mboga ndiyo kitu kibovu kabisa unatakiwa kukiepuka ili usipatwe na saratani ya tezi dume.  Linapokuja suala la kujilinda saratani ya tezi dume basi mafuta yenye omega 3 ndiyo suluhisho la kudumu na siyo omega 6 kama ilivyo kwenye vyakula vingi vya kwenye makopo, mafuta ya alizeti, maharage ya soya, mafuta ya  canola na mafuta ya corn na mengine yote yenye omega 6.

4. Popcorn

Popcorn au bisi ni chakula kingine mwanaume hatakiwi kula, hupikwa kwa kutumia mafuta yasiyo na afya, sodiamu nyingi na ni chanzo cha baadhi ya kansa. Kuna kitu kinaitwa ‘Diacetyl’ kinachopatikana kwenye popcorn ambacho kinahusika na kusababisha kansa na kuna kingine kiitwacho ‘Perfluorochemicals’ ambacho huathiri tezi ya thyroid na ugonjwa wakati huo huo husababisha ugonjwa wa kupungukiwa umakini ujulikanao kwa kiingereza kama ‘Attention-deficit/hyperactivity disorder (ADHD)‘.

Ni vizuri kuacha kula popcorn

5. Mkate mweupe

Mkate mweupe una wanga mwingi zaidi usio na faida. Kwenye hatua za kutengeneza mkate mweupe vitamini zote za kundi B hupotea, hupotea pia nyuzinyuzi (fiber). Siyo hivyo tu mkate mweupe umesemekana kuwa ni sababu ya ugonjwa wa kisukari na kuongeza uzito zaidi mwilini wakati huo huo ukisababisha tatizo la kufunga choo au kupata choo kigumu sana.

Vingine vinavyofanana na na hilo ni ugali wa sembe, tambi nyeupe, chai ya rangi na kahawa.

Kula mkate ambao ngano yake haikukobolewa (brown bread), kula ugali wa dona na chai unaweza kutumia tangawizi au mdalasini badala ya majani ya chai.

6. Chumvi ya mezani

Chumvi ya mezani ile ya unga nyeupe haifai kwa mwanaume. Kila mmoja amesikia chumvi hii husababisha shinikizo la juu la damu na pamoja na hayo bado sehemu kubwa ya watu wanatumia chumvi hii.

Chumvi ya mezani husafishwa kwa kuondoa madini madini na hupitishwa katika joto la nyuzi joto 1093. Kwa hiyo uliyonayo sasa ni asilimia 40 ya sodiamu na asilimia 60 ya kloridi, na kisha kemikali kama vile ‘aluminium silicate’ huongezwa ili kuifanya isishikane na hivyo kubaki katika hali ya unga. Aluminium silicate ni sumu kali inayoharibu mfumo wetu wa fahamu. Inatajwa kuwa ni miongoni mwa sababu zinazosababisha ugonjwa wa kupoteza kumbukumbu (Alzheimer).

Chumvi ya mawe ya baharini ile ambayo haijapita kiwandani (unrefined sea salt) ndiyo nzuri zaidi kwa afya ya mwanaume.

mbegu-za-maboga

Kama una swali uliza hapo kwenye comment nitakujibu

Mawasiliano: WhatsApp +255769142586

(Imesomwa mara 30,372, Leo peke yake imesomwa mara 115)

You may also like...

544 Responses

  1. Juma Mtanda Juma Mtanda says:

    Kama kawaida mimi nakubaliana nae doctar: kama Allah asema, “msijiue wenyewe…yaani kupeleka nafsi ako ktk maangamivu” ndo hapa doctar atushauri kuhusu vitu anavotakiwa kuviacha mwanaume…ila namkumbusha kasema vyote je sukari vipi nayo? ila mtanzania msibishe maana zama hizi ni hatari sana, waangalie vijana-miaka 16,17,18 na kuendelea wanaonekana wazee wamechoka kisa vitu vya chemicals

  2. Juma Mtanda Juma Mtanda says:

    Kama kawaida mimi nakubaliana nae doctar: kama Allah asema, “msijiue wenyewe…yaani kupeleka nafsi ako ktk maangamivu” ndo hapa doctar atushauri kuhusu vitu anavotakiwa kuviacha mwanaume…ila namkumbusha kasema vyote je sukari vipi nayo? ila mtanzania msibishe maana zama hizi ni hatari sana, waangalie vijana-miaka 16,17,18 na kuendelea wanaonekana wazee wamechoka kisa vitu vya chemicals

  3. Hamisi Chitu Hamisi Chitu says:

    du! yani hadi mafuta ya alizet! aaah doctor embu tuache bhana we umesomea wapi hadi iwe alizet sio kwa wanaume eh!

  4. Asante kwa elimu Mkuu!!

  5. Omary Mussa Omary Mussa says:

    kwa mim ninachojua kibaya utakachokura tumbon mwako kikaleta madhara ni chuma na sio mafuta ya arzet inatosha kwa leo.

  6. Adam Kim Adam Kim says:

    Hawa ni njaa2 wamefanya utafiti upi mpk kubaini mafuta ya alzet hayafai? KATAFTE KZ YA KUFNY.

  7. Saleh Mohamed Saleh Alobady

  8. Maji Yakunywa yewe Mengi!

  9. Je nkikaaga mwenyewe popcorn na mafuta mazuri ya nyumbani ?

  10. Naomba ufafanuzi wa Omega 3,

  11. Ngurukizi John says:

    Hadi mafuta ya alzeti yanashida? Duh, sijaamini aisee!!! Tutumie mafuta Gani saaa

  12. Silivan Daud Silivan Daud says:

    swali langu nikuhusu chumvi ya mezan wenga tunaitumia je kinga yake ni nini au matibabu yake ni nini

  13. Mwacha Alex Mwacha Alex says:

    Wababaishaji tuu, eti usile mafuta yatokanayo na mbogamboga wala alizeti, then yatokanayo na wanyama ndiyo balaa zaidi, tukiwasikiliza sana mwisho WA SKU mtatupoteza, kila MTU anaibuka na kautafiti ambako mnafanya locally mnakuja kutudanganya hapa, mwisho WA siku mtatuambia tusile mafuta kabisa, akili kumkichwa tuangalie na vya kufata sasa

  14. hapo umebugi mafuta ya alizet yanaxaidia xana alwayx kwa wenye matatz mbali mbali xaxa hapo xko umekoxa xwali langu ipi haxara ya kutmia mafuta ya arizeti na je zip haxara za kula pilipili???

  15. Peter Stivin Peter Stivin says:

    da asanter kwa elim yenu nita waambia nawatu wajifunze apo kuus chumv apo maana ndo kiungo kikubwa hv sasa

  16. Ramadhani Salum says:

    Dah…ni elimu kubwa sana…ni faida endapo itafanyiwa kazi

Leave a Reply

Your email address will not be published. Required fields are marked *