Tendo la ndoa hupunguza hatari ya kupata saratani ya tezi dume

Published by Fadhili Paulo on

Tendo la ndoa hupunguza hatari ya kupata saratani ya tezi dume

Katika hali ya kawaida inaelezwa kushiriki tendo la ndoa kuna faida nyingi kiafya, hata hivyo kushiriki tendo la ndoa mara nyingi kupita kiasi kunaweza kusababisha matatizo ya msingi ambayo huleta madhara kwa watu wanaoiendekeza.

Mtu anaweza kuwa na mwenzi na kujikuta kila siku anatumia ‘chakula cha usiku’ kwa sababu tu hakuna kizuizi na ana haki ya kufanya hivyo.

Hilo linaweza kuwa jambo zuri kwa upande mmoja, lakini pia baya kwa upande mwingine kwa vile linaweza leta athari fulani kiafya na katika uhusiano baina ya wenzi.

Tafiti zinasema kati ya watu wengi wanaolalamika kupoteza hamu za kutaka kushiriki tendo la ndoa wengi wao ni wale wanaoshiriki mara nyingi zaidi tendo hilo.

Lakini pia ukiachana na athari chanya au hasi ambazo zinajulikana kwa miaka mingi miongoni mwa watu na au wataalamu, kuna nyingine ambayo watu wengi hawaifahamu.

Nayo ni kuhusu utafiti mpya mpya uliofanywa nchini Marekani ulioonyesha kuwa wanaume wanaoshiriki tendo la ndoa mara kwa mara wana uwezekano mdogo wa kupata saratani ya tezi dume kuliko wale ambao hawashiriki mara kwa mara.

Saratani ya tezi dume inashika nafasi ya tatu kwa kusababisha vifo vinavyotokana na kansa kwa wanaume duniani.

Pia ni chanzo kikuu cha vifo vinavyosababishwa na saratani kwa wanaume wenye umri wa miaka 70 na kuendelea.

Hata hivyo, satarani ya tezi dume kwa sasa inawapata wanaume kuanzia miaka 25.

Tukirudi katika utafiti, wanasayansi waliwafuatilia wanaume 32,000 kuanzia mwaka 1992 wakati walipokuwa katika umri wao wa miaka ya 20 na kuendelea hadi mwaka 2010.

Wakati wa kipindi hicho karibu wanaume 4,000 miongoni mwao waligundulika dalili za saratani ya tezi dume.

Wanaume, ambao walishiriki tendo la ndoa angalau mara 21 kwa mwezi katika umri wao wa miaka ya 20 walikuwa na uwezekano mdogo wa asilimia 19 wa kupata saratani ya tezi dume kuliko wale walioshiriki chini ya mara saba kwa mwezi, utafiti huo ulibainisha.

Wanaume ambao walishiriki tendo la ndoa mara kwa mara katika umri wao wa miaka ya 40 walikuwa na uwezekano wa chini ya asilimia 22 ya kupata saratani ya tezi dume.

Wanaoshiriki tendo la ndoa mara chache kuanzia sifuri hadi mara tatu kwa mwezi walikuwa na uwezekano wa kuwa na matatizo mengine ya kiafya na kifo cha mapema kutokana na sababu nyingine zaidi ya saratani ya tezi dume,” alisema mwandishi kiongozi wa utafti huo Jennifer Rider, ambaye alifanya uchambuzi wakati akifanya kazi katika Shule ya Afya ya Umma ya Harvard T.H. mjini Boston, Marekani.

“Wakati ugunduzi wetu ukipaswa kuthibitishwa katika tafiti ambazo zinatathimini uwezekano wa taratibu za kibailojia zinazosababisha uhusiano uliobainishwa, matokeo ya utafiti wetu yanaonesha kwamba kushiriki tendo la ndoa kipindi chote cha utu uzima kunaweza kuwa mkakati wenye manufaa wa kupunguza hatari ya saratani ya tezi dume,”

Saratani ya tezi dume huchangia asilimia 15 ya kesi zote za ugunduzi wa ugonjwa huo duniani, watafiti waligusia katika Jarida la Mfumo wa Mkojo Ulaya (European Urology).

Visababishi vya hatari kama vile umri, utaifa na historia ya familia ‘hazibadiliki’ waliongeza na kwamba kuna staili chache za maisha zinazoweza kutumiwa na wanaume ili kupunguza hatari.

Ili kufahamu uhusiano baina ya kushiriki tendo la ndoa mara kwa mara na saratani, Rider na wenzake walipitia takwimu kutoka maswali yaliyokamilishwa na wanaume kuhusu afya ya uzazi na kuchunguza rekodi za kitabibu pamoja na majaribio ya kimaabara kuangalia washiriki waliogundulika kuwa na uvimbe wa saratani ya tezi dume.

Wakati wa kipindi cha utafiti, kulikuwa na kesi 192 za saratani ya tezi dume miongoni mwa wanaume wanaomwaga mbegu za kiume chini ya mara tatu kwa mwezi.

Kulikuwa na kesi 1,041 kwa wanaoshiriki tendo la ndoa mara nne hadi saba kwa mwezi na kesi 1,509 za wanaoshiriki mara nane hadi 12 kwa mwezi, na wengine kesi 807 wanaoshiriki mara 13 hadi 20 kwa mwezi na kesi 290 kwa wanaoshiriki mara 21 kwa mwezi.

Moja ya changamoto ya utafiti ni kwamba iliegemea kwa wanaume walioripoti kwa usahihi na idadi walichoshiriki, watafiti wanasema.

Uhusiano baina ya kushiriki tendo la ndoa mara kwa mara na saratani ni mkubwa kwa wanaume wasio na dalili za uvimbe wa saratani ya tezi dume kama vile maumivu au matatizo ya njia ya mkojo ambao tayari wameonekana kuwa na kiwango cha chini cha uwezekano wa kugundulika na ugonjwa huo, anasema alisema Dk. Behfar Ehdaie, mtaalamu wa mfumo wa mkojo katika Kituo cha Saratani cha Kumbukumbu ya Sloan Kettering mjini New York, Marekani.

“Iwapo kutoshiriki tendo la ndoa mara kwa mara kwa kweli ni kisababishi cha msingi cha saratani ya tezi dume, tunatarajia kutafiti uhusiano wa maeneo yote yanayosababisha hatari ya saratani ya tezi dume,” alisema Ehdaie.

Pia ni mapema mno kuchukulia uzito kiwango cha tendo la kujamiana kama silaha ya kuzuia saratani, alisema Siobhan Sutcliffe, mtafiti wa saratani katika Shule ya Tiba, Chuo Kikuu cha Washington huko St. Louis

“Ushiriki wa kujamiana unaweza kuwa na athari mbaya kiafya, kama vile kupata maradhi ya kuambukiza kwa njia ya kujamiana,” Sutcliffe aligusia.

Kushiriki tendo la ndoa mara kwa mara au kujichua inaweza kusababishwa na vitu vingine vinayochochea afya njema, kama vile mlo kamili na uzito wa kawaida, ambao pia huweza kupunguza hatari ya saratani, alisema Dk. John Gore, mtafiti wa mfumo wa mkojo katika Chuo Kikuu cha Washington huko Seattle.

“Sidhani kama tunahitaji kuwaambia wanaume kwamba iwapo ‘hutaitumia hii, utapata saratani!’’ alisema Gore.

Hata hivyo, utafiti wenye matokeo kama hayo si mpya kwani mwishoni mwa miaka ya 2000 na mwanzoni mwa miaka ya 2010 zilichapishwa tafiti kama hizo nchini Marekani na Australia.

Utafiti wa kwanza ulihusisha wanaume 29,342 nchini Marekani na wa Australia ulihusisha wanaume 2,338 na kuja na hitimisho moja kuwa kushiriki tendo la ndoa mara kwa mara huzuia uwezekano wa kupata saratani ya tezi dume.

Ikiwa unatafuta dawa ya asili ya uhakika inayotibu saratani ya tezi dume nipigie simu 0714800175. Mimi Napatikana TUMAINI ALL NATURAL STORE, ipo Mwanagati Kitunda Ilala Dar Es Salaam.

Mjulishe pia rafiki yako kwenye twitter naye asome post hii kwa kubonyeza maneno yafuatayo;

Tendo la ndoa hupunguza hatari ya kupata saratani ya tezi dume Click To Tweet

Tafadhari SHARE post hii kwa ajili ya wengine

Fadhili Paulo
Imesomwa mara 198

Fadhili Paulo

Naitwa Fadhili Paulo, ni Tabibu wa Tiba asili. Ofisi yangu inaitwa TUMAINI ALL NATURAL STORE, ipo Mwanagati Kitunda Ilala Dar Es Salaam. Kama unahitaji kuonana na mimi uso kwa uso weka miadi (appointment) kwa kubonyeza HAPA Pia napenda kukujulisha kuwa sina wakala au tawi mahali popote duniani.

0 Comments

Leave a Reply

Your email address will not be published. Required fields are marked *