Vyakula 16 vinavyoongeza kinga ya mwili

Published by Fadhili Paulo on

Vyakula vinavyoongeza kinga ya mwili

VYAKULA 16 VINAVYOONGEZA KINGA YA MWILI

Watu wengi tumekuwa tukijiuliza kinga ya mwili ni kitu gani na je ni nini tufanye ili kuiongeza hiyo kinga ndani ya miili yetu. Suala la kuimarisha na kuiongeza kinga ya mwili linapaswa kuwa ni jambo endelevu la kila siku.

Hakuna dawa au chakula cha kula siku moja na kuponya tatizo la kushuka kinga ya mwili milele. Kinga ya mwili huongezeka ama kupungua kila siku kutegemea na umekula nini, umekunywa nini au hali ya ubongo wako kwa ujumla ipoje kwa siku hiyo, mathalani kama umeshinda una hasira hasira tu kutwa nzima lazima na kinga yako itapungua.

Mwili ulibuniwa na Mungu uweze kujitibu wenyewe bila kuhitaji DAWA YOYOTE. Ulivyo ni vile unavyokula na kunywa. Shida ni kuwa watu wengi hatujuwi tule nini kwa ajili ya nini, mara nyingi tunakula ili tushibe.

Fanya chakula kiwe ndiyo dawa zako na dawa zako ziwe ni chakula unachokula. Kinga yako inapokuwa na nguvu na ya kutosha huwezi kuugua ugonjwa wowote kirahisirahisi.

Vifuatavyo ni vyakula na mitishamba 16 inayoweza kukusaidia kuongeza kinga ya Mwili wako

Vyakula 16 vinavyoongeza Kinga ya mwili

1. Mtindi

Hutengenezwa kwa kutumia maziwa ya ng’ombe..

Mtindi pengine ndio chakula kinachoongoza kwa kuongeza kinga ya mwili wako Click To Tweet

Mtindi umekuwa ukitumiwa na binadamu kama chakula kwa miaka maelfu na maelfu.

Mtindi una viinilishe vingi mhimu na kuwa na mazoea kula mtindi mara kwa mara kutakusaidia kuimarisha kinga yako ya mwili.

Mtindi umegundulika kupunguza hatari ya kupatwa na magonjwa kama ugonjwa wa moyo, mifupa na kudhibiti uzito.

Mtindi ni bidhaa maarufu ambayo hutengenezwa kutokana na maziwa ya ng’ombe.

Mtindi mzuri kabisa ni ule ambao umetengeneza mwenyewe nyumbani na kama utanunua dukani basi usiwe umeongezewa rangi, sukari au kitu kingine chochote.

Mtindi una viinilishe mhimu vyote ambavyo mwili wako unavihitaji.

Mtindi una madini ya kalsiamu madini ambayo ni mhimu kwa ajili ya afya nzuri ya meno na mifupa.

Mtindi pia una vitamini nyingi kundi la vitamini B hasa vitamini B12 na vitamini B2 (riboflavin) na vitamini hizi zote mbili zinahusika na kukulinda dhidi ya ugonjwa wa moyo.

Mtindi unao madini mengine mhimu kama phosphorus, magnesium na potassium ambayo ni mhimu kwa ajili ya kuweka sawa shinikizo la damu, kuupa nguvu mfumo wa mmeng’enyo wa chakula na afya ya mifupa.

Kiinilishe pekee ambacho mtindi hauna ni vitamini D.

Mtindi utakupa kiasi cha kutosha cha protini.

Protini inasemwa kama ni kitu mhimu katika kusaidia umeng’enywaji wa chakula kwa kuongeza kiasi cha nguvu unachochoma (unachotumia) kila siku.

Protini pia ni mhimu katika kudhibiti njaa katika mwili kwani mtindi huwa unaongeza uzalishwaji wa homoni inayohusika kukujulisha kwamba umeshiba. Jambo hili linaweza kukusaidia kudhibiti uzito wako kwa ujumla kwani hautakuwa na njaa iliyozidi.

Mtindi ni chakula kizuri sana kwa mtu yoyote mwenye tatizo lolote linalohusiana na mfumo wa chakula kama vile bawasiri, kufunga choo, vidonda vya tumbo, kuharisha hasa kuharisha kunakotokana na bakteria na matatizo mengine mengi ya tumbo.

Mtindi unasemwa kuwa ni chakula na dawa nzuri kwa homa za mara kwa mara ikiwemo mafua.

Madini matatu ambayo ni magnesiamu, selenium na zinki ndiyo yanatajwa kama madini mhimu yaliyomo katika mtindi yanayoufanya kama chakula bora zaidi kwa kuongeza na kuimarisha kinga ya mwili.

Mtindi unayo mafuta mazuri ambayo hayaongezi uzito. Miaka ya nyuma baadhi ya watu walikuwa wakiuogopa mtindi kwa kudhani kwamba unaweza kuwaongezea uzito na unene zaidi lakini tafiti za hivi karibuni zinakanusha hilo.

Hakuna ushahidi wa moja kwa moja kama mafuta ya kwenye mtindi yanaweza kuwa na madhara yoyote kwa afya.

Mtindi unaongeza na kudhibiti kolesto nzuri mwilini. Kile ulikuwa hujuwi ni kuwa kolesto zipo za aina mbili yaani kolesto mbaya na kolesto nzuri. Kolesto inayoweza kuongezwa mwilini sababu ya mtindi ni kolesto nzuri na haina madhara mabaya kwa afya yako.

Mtindi unapunguza shinikizo la juu la damu. Hivyo hauwezi kukuletea matatizo kwenye moyo kama wengine wanavyodhani.

Hapa Tanzania mtindi unaliwa sana na watu wa kanda ya ziwa na watu hawa ukiwatazama ni watu wenye afya nzuri sana ukilinganisha na watu wa kanda zingine.

Kwahiyo mtindi unao bakteria wazuri ambao wakifika tumboni hupunguza idadi ya bakteria wabaya na hivyo kukuongezea kinga ya mwili.

Mtindi unaweka sawa uzito, unaongeza kolesto nzuri mwilini na ni chaula kizuri kwa afya ya mifupa. Vitu hivi vyote husaidia kuimarisha kinga yako ya mwili.

Kwa siku napendekeza unywe kikombe kimoja tu yaani robo lita au ml 250 za mtindi.

Kama una aleji na maziwa au na bidhaa zingine zitokanazo na maziwa basi usitumie mtindi mpaka utakapopata muongozo kutoka kwa daktari wako wa karibu.

2. Matunda

Yanapatikana sehemu yoyote duniani kwa bei unazozimudu, katika mlo wako wowote jitahidi usiache kujumuisha angalau tunda la aina moja. Kwa mujibu wa wataalamu wa afya, mtu asiyekula matunda ana hatari kubwa zaidi ya kupata magonjwa zaidi ya mlaji wa matunda.

Unaweza kuamua pia moja ya mlo wako katika siku kama ni wa jioni au wa mchana au wa asubuhi uwe ni matunda tu na si kitu kingine zaidi. Jaza kwenye sahani yako ndizi, embe, papai, nanasi, tikiti maji, parachichi nk, sahani iwe na matunda tu kula hadi ushibe matunda tu.

3. Tui la Nazi

Nazi ikiliwa na binadamu hugeuza aina hizo za mafuta kuwa tindikali ambayo kitaalamu huitwa ‘medium chain fatty acids’ au kwa kifupi (MCFA’s) ambazo huwa na uwezo wa kuiimarisha kinga ya mwili na hivyo kuupa mwili uwezo wa kuyashinda maradhi mbalimbali.

Matumizi ya nazi kama tiba ya kuimarisha kinga ya mwili duniani yalishika kasi mwaka 1990 mara baada ya mtafiti wa tiba kutoka Iceland, Bw. Halldor Thormar, kubaini maajabu ya tiba hii. Waathirika wa UKIMWI toka sehemu mbalimbali duniani waliotumia nazi walitoa ushuhuda wao wa namna walivyopata nafuu mara baada ya kutumia nazi kama tiba.

Dozi yake ni rahisi, kunywaji glasi nne za tui la nazi kila siku kwa muda wa kati ya miezi mitatu hadi minne, huweza kuondoa maradhi yote yanayosababishwa na kupungua kwa kinga ya mwili na pia hung’arisha ngozi na kuifanya kuwa nyororo.

Kula nazi kwa wingi kadiri uwezavyo, kama kinga yako imepunguwa basi anza kunywa tui la nazi glasi nne kwa siku na utaona maajabu ndani ya miezi mitatu tu.

Kama tayari una vidonda mwilini visivyopona basi uwe unapakaa mafuta ya nazi kila utokapo kuoga, na matokeo utayaona bayana.

Hata hivyo najua kuwa si watu wote wako kwenye mazingira ya kupata nazi kirahisi au kupata nazi bora yenye virutubisho vinavyotakiwa.

Hivyo ikiwa utahitaji tui la nazi lililoandaliwa tayari kwa matumizi niachie ujumbe WhatsApp +255714800175

4. VITUNGUU SWAUMU

Hupatikana kwa wingi Tanzania!

Japokuwa vitunguu swaumu vimekuwa vikitumika sana kwa ajili ya matibabu ya magonjwa mbalimbali toka enzi za mababu, wataalamu wameshauri pia vitunguu hivi ni chanzo muhimu kwa kinga ya binadamu.

Mungu anaposema watu wangu wanaangamia kwa kukosa maarifa hamaanishi maarifa ya kutengeneza au kuendesha ndege, ni maarifa ya kawaida tu katika maisha yetu ya kila siku ambayo yanaweza kubadilisha afya na ustawi wetu.

Moja ya mmea ambao umependelewa sana na Mungu kwakuwa na viinilishe vingi na mhimu sana kwa ajili ya kuimarisha kinga ya mwili ni kitunguu swaumu.

Kitunguu swaumu ni chakula mhimu sana linapokuja suala la kuongeza kinga ya mwili. Click To Tweet

Kitunguu swaumu ni jamii ya vitunguu ambayo kwa kitaalamu huitwa Allium sativum. Jamii hii ilianza kutumika katika mabara mbalimbali duniani hususani Asia, Afrika na Ulaya takribani miaka 6000 iliyopita. Matumizi makuu nyakati hizo yakiwa viungo katika mboga na tiba.

Kitunguu swaumu kimetajwa kwenye vitabu mbalimbali vya dini vikielezea faida zake katika kutibu maradhi mbalimbali yasababishwayo na bakteria, virusi, matatizo katika mapafu, matatizo katika mfumo wa umen’genyaji chakula, na matatizo ya kuishiwa nguvu.

Historia inaonyesha kuwa, vitunguu swaumu vilianza kutumika nchini China mwaka 510 kabla ya Kristo na pia vilitumiwa na wanajeshi wa Ugiriki na Warumi.

Aidha wasafiri wa vyombo vya baharini na vijijini pamoja na wakulima barani Afrika walivitumia sana.

Kuna baadhi ya imani watu wanaamini kitunguu swaumu kina uwezo wa kufukuza hadi wachawi! hivyo kama unatokewa unapata usingizi wa usioeleweka au unakabwa kabwa na wachawi hebu jaribu kitunguu swaumu na uniletee mrejesho

Mwaka 1858, mtafiti na mwanasayansi wa nyakati hizo, Louis Pasteur aligundua uwezo wa kitunguu swaumu katika kuua vimelea mbalimbali vinavyosababisha magonjwa, na hivyo vikaanza kutumika kama dawa ya kusafishia vidonda na kuzuia kidonda ndugu hasa zama za vita ya kwanza na pili ya dunia.

Isitoshe, mpaka sasa zipo dawa kadhaa zilizotengenewa kwa kutumia jamii hii ya vitunguu swaumu ikiwemo dawa ya kusafisha mdomo (mouth wash).

Huko sokoni tayari nimeviona vitunguu swaumu kutoka China na Afrika kusini ambavyo vyenyewe huwa vina punje kubwa nene na huwa rahisi kuvimenya, hata hivyo ili upate faida hizi zote hapa chini naendelea kukushauri utumie vitunguu swaumu vyetu vinavyolimwa hapa Tanzania kwani hivyo vya kutoka nje pamoja na kuwa ni rahisi kuvimenya lakini ubora wake si kama ule wa vitunguu vyetu.

Hakikisha kila mboga unayopika haikosi kitunguu swaumu ndani yake na ikibidi ukiweke mwishoni mwishoni unapokaribia kuipuwa mboga yako toka katika moto kwamba kisiive sana hata kupoteza viinilishe vyake.

Kama una friza au friji ya kawaida unaweza kumenya vitunguu swaumu hata kilo nzima na kuvitwanga kidogo katika kinu, vifunge vizuri katika bakuli au mfuko wa plastiki na uvihifadhi katika friza au friji na hivyo kila unapopika unachukuwa tu na kukitumia ili kuepuka usumbufu wa kukimenya kila siku.

Unaweza kutumia kitunguu swaumu kwenye chakula chako kila siku, kuna kitunguu swaumu pia katika unga pia katika mfumo wa vidonge

Lakini ili upate faida zaidi za kitunguu swaumu utatakiwa ukimeze katika maji au ukichanganye na mtindi kikiwa kibichi, yaani bila kupitishwa katika moto au kuwa kimepikwa.

1. Chukuwa kitunguu swaumu kimoja,
2. Kigawanyishe katika punje punje,
3. Chukua punje 6 menya punje moja baada ya nyingine.
4. Kisha vikatekate (chop) vipande vidogo vidogo na kisu,
5. Meza kama unavyomeza dawa na maji vikombe 2 kila unapoenda kulala au kila baada ya siku 1.

Namna nyingine nzuri zaidi ni kuviweka ndani ya kikombe kimoja (robo lita) cha mtindi freshi koroga vizuri na unywe. Na hii itakusaidia kupunguza harufu mbaya ya kitunguu swaumu huku ukipata faida nyingine mhimu zilizomo kwenye mtindi.

Unaweza kutumia mtindi uliotengeneza mwenyewe nyumbani au hata wa dukani. Binafsi mara nyingi natumia mtindi wa Tanga freshi.

Dozi ni siku ngapi? Unaweza kutumia mpaka utakapochoka mwenyewe. Ni chakula tu kama vilivyo viazi. Unaweza kutumia hata kama huumwi chochote.

Watoto wadogo miaka miwili kwenda juu mpaka miaka 10 unaweza kuwapa punje 2 kwa siku.

Sifa kuu zinazokifanya kitunguu swaumu kuwa na uwezo wa kuimarisha na kuongeza kinga ya mwili ni kule kuwa kwake na viasili kadhaa (ingredients) ambavyo vinafanya kazi tofauti tofauti.

Uwezo wa kitunguu swaumu kuongeza kinga ya mwili unatokana na mambo yafuatayo: Click To Tweet

Uwezo wake wa kuongeza kinga ya mwili unatokana na mambo yafuatayo:


1. Vina uwezo wa kusababisha kutanuka kwa mishipa ya damu (vasodilation) kwa kubadilisha polysulfides zilizopo ndani yake kuwa hydrogen sulfides kwenye seli nyekundu za damu.

2. Husaidia uthibiti wa kiwango cha sukari mwilini kwa kushusha kiwango cha kemikali ya homocystine na kupunguza madhara ya kisukari.

3. Iwapo vitapondwa pondwa vizuri, vitunguu swaumu hutoa kemikali iitwayo Allicin ambayo ni dawa dhidi ya bakteria, fangasi na virusi.

4. Huondoa sumu mwilini jambo ambalo ni mhimu sana ili uwe na kinga nzuri ya mwili

5. Husaidia kutibu tatizo la kukosa usingizi. Huwezi kuwa na kinga nzuri ya mwili kama hupati usingizi wa kutosha kila siku.

6. Kinaondoa msongo wa mawazo (stress) na kukufanya uishi miaka mingi. Ni vigumu au ni sawa na haiwezekani uwe na msongo wa mawazo (stress) halafu uwe na kinga nzuri ya mwili.

7. Hutibu kifua kikuu (TB). Ukitumia kitunguu swaumu kesho yake unaweza kutokwa na makohozi mengi tu ambayo ni ishara kwamba kweli kinatibu kifua kikuu.

8. Hutibu amoeba, minyoo na Bakteria wengine

9. Huzuia kuhara damu (Dysentery)

10. Huondoa Gesi tumboni

11. Hutibu msokoto wa tumbo

12. Hutibu Typhoid

13. Huondoa mabaka mabaka kwenye ngozi

14. Hutibu mafua na malaria

15. Husafisha njia ya mkojo na kutibu U.T.I

16. Hutibu kipindupindu

17. Hutibu upele

18. Huvunjavunja mawe katika figo

19. Hutibu mba kichwani

20. Huupa nguvu ubongo. Kazi nzuri niliyopenda zaidi katika kitunguu swaumu.

21. Huzuia meno kung’ooka na kutuliza maumivu ya jino

22. Hutibu maumivu ya kichwa

23. Hutibu kizunguzungu

24. Hutibu shinikizo la juu la damu

25. Huzuia saratani mbalimbali

26. Hutibu maumivu ya jongo (gout)

27. Huuongezea nguvu mfumo wa mmeng’enyo wa chakula

28. Huongeza hamu ya kula

29. Huzuia damu kuganda

30. Husaidia kutibu kisukari

31. Husafisha tumbo

32. Huyeyusha mafuta mwilini (kolestro)

Angalizo kuhusu kitunguu swaumu:

1. Mama mjamzito chini ya miezi 4 ni vema usitumie kitunguu swaumu kwa namna hii mpaka umeongea na kukubaliana na daktari wako wa karibu. Pia watoto chini ya miaka miwili wasitumie kitunguu swaumu kwa namna hii.

2. Vile vile kama una presha ya kushuka usitumie kitunguu swaumu kwa namna hii.

3. Harufu mbaya mdomoni baada ya kutumia kitunguu swaumu hutokana na kemikali ya AMS (allyl methyl sulfide).

Harufu hii mbaya hata hivyo yaweza kupunguzwa kwa kunywa maziwa, kunywa maji mengi au kutafuna karafuu.

Na nimeshuhudia nikinywa kitunguu swaumu kwenye mtindi hii harufu ni kama haipo kabisa na hata ukijamba haikutokei ile harufu mbaya sana kama ukinywa vitunguu swaumu katika maji

4. Kwa baadhi ya watumiaji, vinaweza kuwaletea mzio au mcharuko mwili (allergies au inflammatory reactions)

5. Kichefuchefu, Kutapika na kuharisha. Ikikutokea kuharisha siku mbili tatu furahi kwani ni njia mojawapo ya mwili kujisafisha

6. Huweza kusababisha hatari ya kuvuja damu, kwa sababu huzuia kazi ya seli sahani (platelets) zenye kusaidia kuganda kwa damu kushindwa kufanya kazi yake vizuri, na hususani kwa mama wajawazito, baada ya upasuaji au mara baada ya kujifungua.

7. Huingiliana katika utendaji kazi wake na dawa kadhaa kama vile warfarin, antiplatelets, saquinavir, dawa za shinikizo la damu kwa ujumla hasa calcium channel blockers, na antibiotiki za jamii ya quinolone kama vile ciproflaxacillin.

8. Aidha vinaelezwa pia kuwa na madhara kwa wanyama jamii ya paka na mbwa

9. Ukiona kichwa kinauma sana siku 3 au 5 baada ya kuanza kutumia kitunguu swaumu utatakiwa kuacha kukitumia kwa siku 2 au 3 mpaka kichwa kiache kukuuma ndipo uendelee tena na dozi. Na ndiyo sababu napenda utumie kila baada ya siku 1 na siyo kila siku ili kuepuka hili la kuumwa kichwa

5. Asali yenye Mdalasini

Asali ni dawa kwa kila ugonjwa.

Zingatia tu unapata asali mbichi na nzuri ya asili kwani endapo utauziwa asali iliyochakachuliwa kuna hatari ya kuharibu afya yako zaidi.

Asali ina sifa ya kudhibiti bakteria. Nadharia hii inathibitishwa na tafiti nyingi kadhaa. Asali hupigana dhidi ya maambukizi ya ndani na ya nje.

Mdalasini pia una sifa ya kuondoa vivimbe, pia huondoa sumu mwilini.

Vinapoungana vitu hivi viwili vya asili yaani asali na mdalasini vinatengeneza muungano mmoja mhimu wa dawa dhidi ya maambukizi ya nje.

Asali ina madini na vitamini nyingi ndani yake, wakati mdalasini wenyewe una kalsiamu, chuma, vitamini C, vitamini K, manganizi na nyuzinyuzi (fiber).

Asali yenye Mdalasini ni dawa moja mhimu sana ya kuongeza kinga ya mwili. Kunywa chai yenye asali na mdalasini mara kwa mara kunaongeza kinga ya mwili, nguvu ya mwili na nguvu ya ubongo kwa pamoja.

Kama unahitaji Asali yenye Mdalasini niachie ujumbe WhatsApp +255714800175

6. UYOGA

Usishangae! Ndio.. hiki ni moja ya vyakula muhimu zaidi kuimarisha afya yako kwani huchangia kiasi kikubwa kuimarisha seli nyeupe za damu zinazofanya kazi ya kupambana na magonjwa mbalimbali!

7. SUPU YA KUKU

Wengi watahisi ni gharama lakini si kubwa kuzidi gharama ya kumuona daktari! Unywaji wa supu ya kuku ya moto husaidia kuzuia kupungua kwa seli nyeupe za damu vilevile hupunguza uwezekano wa kupata matatizo yanayohusiana na mapafu na mfumo wa hewa kiujumla!

Mhimu ni kuwa supu hii ya kuku hakikisha ni ya kuku wa kienyeji tu.

8. Ubuyu

Pata kikombe kimoja cha juisi ya ubuyu kila siku (kumbuka uwe ubuyu halisi). Ubuyu una vitamini C nyingi zaidi kuliko ile ipatikanayo kwenye machungwa au maembe.

Unga wa ubuyu unaelezwa kuwa na vitamini na madini mengi kuliko matunda mengine yoyote unayoyajuwa.

1. Inaelezwa kuwa unga wa ubuyu una vitamini C nyingi mara 6 zaidi ya ile inayopatikana katika machungwa.
2. Ubuyu una kiwango kingi cha madini ya Kashiamu (Calcium) mara 2 zaidi ya maziwa ya ng’ombe, pia madini mengine yapatikanayo katika ubuyu ni pamoja na madini ya Chuma, Magnesiamu na Potasiamu ambayo ni mara 6 zaidi ya ile potasiamu ipatikanayo katika ndizi!
3. Husaidia kujenga neva za fahamu mwilini
4. Ina virutubisho vya kulinda mwili
5. Ubuyu una vitamini B3 na B2 ambayo ni mhimu katika kuondoa sumu mwilini na umeng’enyaji wa madini ya chuma, kimsingi vyakula vyenye afya zaidi kwa ajili ya mwili ya binadamu huwa pia huwa na vitamin B2.
6. Unaongeza kinga ya mwili sababu ya kuwa na kiasi kingi cha vitamini C
7. Huongeza nuru ya macho
8. Husaidia kuzuia kuharisha na kutapika
9. Ina magnesiam ambayo husaidia kujenga mifupa na meno
10. Husaidia wenye presha ya kushuka na wenye matatizo ya figo

Unywe kiasi gani? Jipatie kikombe kimoja cha juisi ya ubuyu kila siku hasa usiku na baada ya wiki kadhaa utaona matokeo yake mwilini.

Ili upate faida za juisi ya ubuyu, zinazoelezwa hapa, lazima upate ule ubuyu halisi (mweupe) usiochanganywa na kitu kingine cha kuongeza ladha au rangi.

Kama unahitaji unga wa ubuyu niachie ujumbe WhatsApp +255714800175

9. VIAZI VITAMU

Unaweza kuhisi ngozi sio sehemu ya muhimu katika kinga ya binadamu lakini ukweli ni kwamba ngozi ni sehemu ya muhimu sana kwa mwili wa binadamu. Kwa kinga kamili ya mwili wa binadamu tunahitaji Vitamin A ambayo hupatikana kwa wingi kwenye viazi vitamu

10. KAROTI

Karoti zina ziada kubwa ya vitamin pengine kuliko tunda lolote lile hivyo jitahidi kujumuisha karoti kama kiungo kwenye chakula au unaweza kuitafuna ikiwa mbichi!

11. SAMAKI

Husaidia seli nyeupe kuzalisha ctokins zinatohusika kuzuia baadhi ya magonjwa yanayosababishwa na virusi hasa yale yanayohusiana na mfumo wa hewa nk.

12. MATIKITI

Wengi Hudharau lakini tunda hili ni muhimu sana katika afya ya kila siku ya binadamu kwani husaidia kuongeza kiasi cha maji mwilin, madini chuma na kuimarisha seli nyeupe za damu.

Tunda linasaidia kuwa na uwezo mkubwa wa kuimalika kwa misuli na mfumo wa fahamu kufanya kazi zake vizuri na kuondoa katika hatari ya kupata shinikizo la damu.

Faida 13 za tikiti maji kiafya

• Asilimia 92 yake ni maji
• Vitamini A ndani yake huboresha afya ya macho
• Vitamini C ndani yake huimarisha kinga ya mwili,
• Huponya majeraha,
• Hukinga uharibifu wa seli
• Huboresha afya ya meno na fizi
• Vitamini B6 husaidia ubongo kufanya kazi vema
• Hubadilisha protin kuwa nishati
• Chanzo cha madini ya potasiamu
• Husaidia kushusha na kuponya shinikizo la damu
• Hurahisisha mtiririko wa damu mwilini
• Huondoa sumu mwilini
• Huongeza nguvu za kiume hasa ukila pamoja na mbegu zake

13. MAJI YA KUNYWA

Kama kuna Kitu cha kwanza kwa uhai wa binadamu basi ni maji. Bila kunwya maji ya kutosha bado utakuwa katika hatari ya kupata magonjwa mbalimbali. Angalau glasi 8 hadi 10 za maji kwa siku ni muhimu kwa afya yako!.

Kila mtu ana kiasi cha maji anachohitaji kunywa kila siku kwa mjibu wa uzito wake.

14. Unga wa Mbegu za Maboga

Unga wa mbegu za maboga pia una kiasi kingi cha madini ya Zinki (Zinc). Madini haya yana faida lukuki mwilini, ikiwa ni pamoja na kuimarisha kinga ya mwili, kuboresha ukuaji na uundaji wa chembechembe hai za mwili, kuboresha usingizi, kuboresha ladha mdomoni na harufu, huboresha afya ya macho na ngozi, hurekebisha sukari nk.

Upungufu wa madini ya Zinc mwilini una uhusiano mkubwa sana na matatizo ya kuzaa watoto njiti, kuota chunusi nyingi mwilini, watoto kuwa na uwezo mdogo darasani kimasomo na matatizo mengine mengi ya kimwili na kiakili.

Kama unahitaji unga wa mbegu za maboga niachie ujumbe WhatsApp +255714800175

Soma hii pia > Dawa ya asili inayoongeza kinga ya mwili

Vitu vinavyoharibu na kushusha kinga ya mwili

1. Msongo wa mawazo (stress)
2. Vilevi vyote
3. Lishe duni (chakula kichache)
4. Kutokufanya mazoezi ya viungo
5. Kutumia dawa za kupunguza maumivu kila mara bila ushauri wa kitaalamu

Kama una swali zaidi niulize hapo chini kwenye comment

Mjulishe rafiki yako kwenye twitter naye asome post hii kwa kubonyeza ujumbe ufuatao:

Vyakula 16 vinavyoongeza kinga ya mwili Click To Tweet

Tafadhari SHARE post hii kwa ajili ya wengine

Fadhili Paulo
Imesomwa mara 3,043

Imehaririwa mwisho


Fadhili Paulo

Naitwa Fadhili Paulo, ni Tabibu wa Tiba asili. Ofisi yangu inaitwa TUMAINI ALL NATURAL STORE, ipo Mwanagati Kitunda Ilala Dar Es Salaam. Kama unahitaji kuonana na mimi uso kwa uso weka miadi (appointment) kwenye WhatsApp 0714800175. Pia kama una semina au kongamano lolote na unahitaji mzungumzaji hasa kwa upande wa afya hususani tiba asili, tuwasiliane WhatsApp +255714800175.

5 Comments

Zawadi Yakotuu · 02/07/2020 at 8:51 am

Je mtu anayetumia dawa za kupunguza maumivu(headach) kama vile Panadol,hedex,diclopa nk nae atakabiliwa na kupungukiwa kinga za mwili?

    Fadhili Paulo · 02/14/2020 at 6:22 am

    Inategemea anatumia vipi. kama kila siku anazitumia kwa kipindi kirefu ndiyo zinaweza kuathiri afya yake

Angie · 03/18/2020 at 12:38 am

Habari Dr. Nikushukuru kwa elimu hii nzuri ya Kinga ya mwili. Swali langu:
1) Je mgonjwa wa kisukari anaruhusiwa kula aina yote ya hivyo vyakula tajwa?

2) Kwa mgonjwa ambae tayari macho yameathirika na ukungu kutokana kuumwa kisukari muda mrefu je hivi vyakula kwa mfano Ubuyu utaweza kumsaidia ukungu upungue ama kuisha kabisa?

Leave a Reply

Your email address will not be published. Required fields are marked *

WhatsApp +255714800175